Pakistanda baş vermiş partlayışda ölənlərin sayı 37-ə çatıb

Bakı. 23 iyun. REPORT.AZ/ Pakistanın şimal-qərbindəki bazarda baş vermiş partlayışda ölənlərin sayı 37-ə çatıb.

"Report"un məlumatına görə, bu barədə "Agency France Presse" xəbər verib.

Yüksək vəzifəli məmurun sözlərinə görə, partlayış nəticəsində 37 nəfər həlak olub, 150-dən çox insan xəsarət alıb.

Partlayışın Paraçinar şəhərindəki ticarət mərkəzində, yerli sakinlərin Ramazan ayının başa çatması ilə əlaqədar alış-veriş etdikləri zaman törədildiyi bildirilir.

Qeyd edək ki, cümə günü Kvetta şəhərində, Bəlucistan vilayəti polisinin rəhbərinin ofisi yaxınlığında da partlayış törədilib. Nəticədə 11 nəfər həlak olub.