Pakistanın şimal-qərbindəki Xayber Paxtunxva əyalətində sərnişin avtobusunun dərəyə yuvarlanması nəticəsində azı 12 nəfər ölüb, 3 nəfər isə yaralanıb.
Bu barədə "Report" TASS-a istinadən xəbər verir.
Yerli səlahiyyətli şəxslərin məlumatına görə, hadisə Yuxarı Kohistan dairəsində baş verib. Qəzada 3 uşaq sağ qalıb, onlar yaxınlıqdakı xəstəxanaya çatdırılıblar.
Hüquq-mühafizə orqanları hadisənin səbəbini müəyyənləşdirir.