Yuxarı

Pakistan hökuməti ABŞ-ın hərbi attaşesinə ölkəni tərk etməyi qadağan edib

Pakistan hökuməti ABŞ-ın hərbi attaşesinə ölkəni tərk etməyi qadağan edib
Attaşenin adı siyahıda olsa da, Vyana Konvensiyasının müddəalarına uyğun olaraq, o, həbs edilə bilməz

Bakı. 24 aprel. REPORT.AZ/ Pakistan Daxili İşlər Nazirliyi ABŞ-ın ölkədəki hərbi attaşesinin adını "qara siyahı"ya - ölkəni tərk etməyin qadağan edildiyi insanlar siyahısına salıb.

"Report" TASS-a istinadən xəbər verir ki, insan ölümü ilə nəticələnən yol-hərəkət qaydalarının pozulmasında ittiham olunan diplomatın adı ölən gəncin atasının vəsatəti əsasında İslamabad Ali Məhkəməsinin DİN-ə ünvanlanan tələbi ilə "qara siyahı"ya salınıb.

Pakistanın baş prokurorunun müavini, general Raca Xalid Mehmud bildirib ki, attaşenin adı siyahıda olsa da, Vyana Konvensiyasının müddəalarına uyğun olaraq, o, həbs edilə bilməz. Onun sözlərinə görə, ya diplomat vətənində məhkəmə qarşısına çıxa bilər, ya da onun toxunulmazlıq hüququnu geri götürə bilər və bundan sonra hərbi attaşe Pakistanda məhkəmə qarşısına çıxar.

Xatırladaq ki, aprelin 7-də İslamabadda ABŞ-ın Pakistandakı səfirliyinin hərbi attaşesinin idarə etdiyi "Toyota Land Cruiser" markalı avtomobil motosikletə çırpılıb. Nəticədə motosikletin sürücüsü Atik Bəkir hadisə yerində ölüb, onun yanında əyləşən əmisi oğlu isə ağır vəziyyətdə xəstəxanaya çatdırılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi