Obama debatlarda Trampı dəstəkləyəcək

Bakı. 19 oktyabr. REPORT.AZ/ ABŞ prezidenti Barak Obamanın ögey qardaşı Malik Obama ölkədəki prezident seçkilərindən əvvəl baş tutacaq son debatda Respublikaçılar Partiyasından olan nazmizəd Donald Trampı dəstəkləmək üçün oktyabrın 19-da Las-Veqasa səfər etmək niyyətindədir.

"Report" xəbər verir ki, bu barədə "The New York Post" yazıb.

Prezidentin ögey qardaşının sözlərinə görə, o, Tramp ətrafındakı qalmaqallara inanmır. "Debatlarda iştirak edəcəyimə görə şadam. Tramp ABŞ-ı yenidən nəhəng qüvvəyə çevirə bilər", - deyə Malik Obama bildirib.

O, həmçinin D.Trampın seçkilərdə Demokratlar Partiyasından rəqibi olacaq Hillari Klintonu dövlət katibi kimi fəaliyyətinə görə tənqid edib.

Öz növbəsində, D.Tramp Maliklə görüşməyi səbirsizliklə gözlədiyini bildirib. "O, qardaşından daha çox anlayır", - deyə milyarder vurğulayıb.