​Nyu-Yorkda təyyarə Qudzon çayına düşüb

Bakı. 28 may. REPORT.AZ/ ABŞ-ın Nyu-York və Nyu-Cersi ştatları arasından keçən Qudzon çayına yüngül mühərrikli təyyarə düşüb.

"Report" xəbər verir ki, yerli hakimiyyət orqanları təyyarənin göyərtəsində neçə nəfər sərnişinin olduğu və ölənlərin olub-olmadığı barədə hələ ki, məlumat vermir.

İnsident cümə günü axşam baş verib. Qəza yerində polis və xilasedicilər işləyir.