Bakı. 7 oktyabr. REPORT.AZ/ Amerikanın Nyu-York ştatında limuzinin iştirakı ilə baş vermiş yol qəzasında 20 nəfər həyatını itirib.
“Report” RİA "Novosti"yə istinadən xəbər verir ki, bu barədə ştat polisinə istinadən ABC telekanalı məlumat yayıb.
Hadisə oktyabrın 6-sı günorta radələrində Skohari dairəsində qeydə alınıb.
ABŞ Milli Nəqliyyat Təhlükəsizliyi İdarəsinin (NTSB) məlumatına görə, qəzada digər avtomobillər də iştirak edib.
Hazırda insidentlə bağlı polis və NTSB tərəfindən araşdırma aparılır.