Bakı. 5 yanvar. REPORT.AZ/ Növbəti Krans Montana Forumu (Crans Montana Forum) martın 12-14-də Daxlada keçiriləcək. Mərakeşin Azərbaycandakı səfirliyindən "Report"a bildiriblər ki, forum Mərakeş kralı IV Məhəmmədin hamiliyi altında baş tutacaq.
Forum Afrikanın 2050-ci ilə qədər inkişafına həsr olunacaq. Xüsusi diqqət Atlantik sahilində yerləşən Afrika ölkələrinin inkişafına ayrılacaq. Bununla əlaqədar Daxlada "Atlantik Afrika Klubu" açılacaq. Klubun əsas məqsədi bu qitənin Atlantik sahili ölkələrinin iqtisadi və sosial inkişafına kömək etməkdir.
Xatırladaq ki, 2013-cü il iyunun 27-30-da Krans Montana Forumu Bakıda keçirilib.