Yuxarı

Notr-Dam-de-Pari kilsəsində yanğın söndürülüb - VİDEO

​Notr-Dam-de-Pari kilsəsində yanğın söndürülüb

Fransanın Notr-Dam-de-Pari kilsəsində baş vermiş yanğın söndürülüb.

"Report" TASS-a istinadən xəbər verir ki, bu barədə çərşənbə axşamı yanğınsöndürənlərə istinadən "Le Figaro" qəzeti yazıb.

Notr-Dam-de-Paridə güclü yanğın bazar ertəsi axşam başlayıb. Yanğın nəticəsində kilsənin qülləsi aşıb.

Ehtimal edilir ki, yanğın katedralda aparılan yenidənqurma işləri ilə əlaqədar baş verib.

Paris meri Ann İdalqo açıqlamasında bildirib ki, kilsənin mehrabı və mehrab xaçı yanğın zamanı zərər çəkməyib.

Hazırda yanğınla bağlı "tarixi abidənin bilmədən yandırılması" maddəsi üzrə istintaq işlərinə başlanılıb.

Paris Prokurorluğu hadisənin cinayət əməli deyil, qəza nəticəsində baş verdiyini güman edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi