Bakı. 16 fevral. REPORT.AZ/ Nigeriyada silahlı hücum nəticəsində 18 nəfər öldürülüb.
"Report" "Habertürk"ə istinadən xəbər verir ki, bu barədə polis sözçüsü Məhəmməd Shehu bildirib.
O, qeyd edib ki, hadisə Zamfara vilayətində baş verib. Silahlı qrup vilayətin Birani kəndinə hücum edərək 18 nəfəri qətlə yetirib.
Silahlıların hansı qruplaşmanın üzvləri olduqları hələlik məlum deyil. Hadisə ilə bağlı araşdırma aparılır.
Bölgədə əsasən çobanlarla fermerlər arasında silahlı qarşıdurmalar baş verir. Plateau vilayətində baş vermiş son silahlı hücum nəticəsində 5 nəfər öldürülüb.