NATO-nun müdafiə xərclərinin artırılması müzakirə olunacaq

Bakı. 2 oktyabr. REPORT.AZ/ Brüsseldə oktyabrın 3-4-də NATO müdafiə nazirlərinin görüşü keçiriləcək.

“Report” xarici KİV-ə istinadən xəbər verir ki, bu barədə jurnalistlərə NATO Baş katibi Yens Stoltenberq deyib.

Onun sözlərinə görə, 29 üzv ölkənin müdafiə nazirləri əsasən müdafiə xərclərinin artırılması məsələsini müzakirə edəcəklər: "Həmçinin hazırda Makedoniyanın üzvlüyə qəbul olunması haqqında danışıqlar gedir. Güman edirəm ki, bu danışıqları gələn ilin yanvarında başa çatdıracağıq".