Yuxarı

Müsəlman qadın Rumıniyanın yeni baş naziri ola bilər

Hakim koalisiya baş nazir vəzifəsinə Sevil Şaydexi namizəd kimi irəlü sürüb

Bakı. 21 dekabr. REPORT.AZ/ Rumıniyada tərkibinə Sosial Demokrat Partiyası (SDP), Liberallar və Demokratlar Alyansının (LDA) daxil olduğu parlament çoxluğu koalisiyası ölkənin baş naziri vəzifəsinə Regional İnkişaf və Dövlət İdarəçiliyi Nazirliyinin dövlət katibi Sevil Şaydexin namizədliyini irəli sürüb.

"Report" xəbər verir ki, S.Şaydex 2015-ci ildə SDP-nin hazırkı lideri Liviu Draqnya seçkilərdə yol verilən fırıldaqçılıq ittihamı ilə məhkəmənin hökmünə əsasən istefa verdikdən sonra 6 ay müddətinə nazirliyə rəhbərlik edib.

O, Rumıniyada 1989-cu ildən bəri "Quran"a əl basaraq and içən ilk müsəlman nazir olub.

Prezidentlə məsləhətləşdikdən sonra L.Draqnya baş nazir namizədliyi üçün başqa təkliflər olmayacağını bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi