Monqolustanda sərnişin qatarı relsdən çıxıb

Bakı. 12 avqust. REPORT.AZ/ Monqolustanın cənub-şərqində sərnişin qatarının relsdən çıxaraq aşması nəticəsində üçü uşaq olmaqla, 6 nəfər xəsarət alıb.

“Report” TASS-a istinadən xəbər verir ki, bu barədə bazar günü "Montsame" agentliyi məlumat yayıb.

Hadisə yerinə xilasetmə orqanlarının əməkdaşları cəlb olunub, qəzanın səbəbləri açıqlanmır.

"Sinhua"nın məlumatına görə, qatarda ümumilikdə 328 sərnişin olub.