Misirdə ağır yol qəzası olub, ölənlər və xəsarət alanlar var

Bakı. 3 fevral. REPORT.AZ/ Misirdə ağır yol qəzası olub.

"Report" xəbər verir ki, bu barədə "Infotel" ölkənin Səhiyyə Nazirliyinə istinadən məlumat yayıb.

Məlumata görə, hadisə Qahirədən cənubda, Minya vilayətində qeydə alınıb. Belə ki, bir neçə avtomobilin toqquşması nəticəsində 11 nəfər ölüb, daha 32 nəfər xəsarət alıb.

Hadisənin təfərrüatları barədə məlumat verilmir.