Yuxarı

Migel Dias-Kanel Bermudes Kubanın prezidenti seçilib

Migel Dias-Kanel Bermudes Kubanın prezidenti seçilib

Kubanın Xalq Hakimiyyəti Milli Məclisi bu ilin fevralında keçirilmiş referendumda qəbul edilmiş yeni konstitusiyaya uyğun olaraq keçirdiyi növbədənkənar yığınacaqda ölkə prezidentini seçib.

“Report” xəbər verir ki, bu barədə “El Nuevo Herald” nəşri məlumat yayıb.

Səsvermədə Xalq Hakimiyyəti Milli Məclisinin 605 deputatından 575-i iştirak edib.

Səsvermənin yekun nəticəsinə əsasən Kuba Parlamentinin üzvləri Dövlət Şurasının və Nazirlər Şurasının Sədri Migel Dias-Kanel Bermudesi prezident seçib.

Xalq Hakimiyyəti Milli Məclisinin spikeri olmuş Estoban Laso Ernandes isə Dövlət Şurasının və Nazirlər Şurasının Sədri təyin edilib.

Qeyd edək ki, fevralın 24-də keçirilmiş referendumda 6,81 milyondan çox kubalı - ölkə əhalisinin səsvermə hüququ olan 73,3 faizi yeni konstitusiyaya səs veriblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi