Məşhur ABŞ aktyoru Robert Giyom 89 yaşında vəfat edib

Bakı. 25 oktyabr. REPORT.AZ/ Amerikalı aktyor Robert Giyom 89 yaşında Los-Ancelesdə vəfat edib.

“Report” “RT”-ə istinadən xəbər verir ki, aktyor uzun müddət mübarizə apardığı prostat vəzi xərçəngindən ölüb.

R.Giyoma məşhurluğu “Kral şir”, “Timon və Pumba” cizgi filmlərində Rafiki səsləndirməsi və “Opera kabusu” da daxil olmaqla, bir neçə musiqili əsərdə aldığı rolları gətirib.