Yuxarı

Meksikada yüzlərlə cəsədin olduğu gizli qəbiristanlıq aşkarlanıb

Meksikada yüzlərlə cəsədin olduğu gizli qəbiristanlıq aşkarlanıb
Qəbirlər San-Xuliandan bir neçə kilometr məsafədə, Verakrus yaxınlığında tapılıb
© Courtesy İmage

Bakı. 17 mart. REPORT.AZ/ Meksikanın şərqindəki Verakrus ştatında narkomafiyanın qurbanı olmuş insanların növbəti gizli qəbiristanlığı aşkarlanıb.

"Report" "TASS"a istinadən xəbər verir ki, bu barədə regionun qubernatoru Miqel Anxel Yunes Linares məlumat verib.

O, bildirib ki, yeni qəbirlər San-Xuliandan bir neçə kilometr məsafədə, Verakrus yaxınlığında tapılıb. Qubernator cəsədlərin sayının yüzlərlə olduğunu və onların burda ötən il basdırıldığını deyib.

Region rəhbəri hakimiyyət orqanları qarşısında cəsədlərin şəxsiyyətinin müəyyənləşdirilməsi və qalıqların genetik ekspertizasının aparılması kimi çətin işin dayandığını bildirib.

Qeyd edək ki, bu həftənin əvvəlində regionun prokuroru Xorxe Vinkler də bildirib ki, Kolinas-de-Santa-Fe ərazisində 250-dən çox cəsəd sümüyü aşkarlanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi