Meksikada "Katya" qasırğası nəticəsində 2 nəfər ölüb

Bakı. 9 sentyabr. REPORT.AZ/ Meksikada "Katya" qasırğasının yaratdığı sürüşmə nəticəsində 2 nəfər həyatını itirib.

"Report" xəbər verir ki, bunu Verakrus ştatının qubernatoru Migel Anhel Yunes bildirib.

İnsident ştatın paytaxtı Halapa şəhərində baş verib.

Qubernator bildirib ki, ümumilikdə ştatda təhlükəli ərazilərdən 2,8 mindən çox insan təxliyyə edilib, 254 binaya ziyan dəyib.