Yuxarı

Meksikada həbsxanada baş vermiş qiyam zamanı ölənlərin sayı 16-a çatıb

Meksikada həbsxanada baş vermiş qiyam zamanı ölənlərin sayı 16-a çatıb
Hələlik ölənlərin 13-nün kimliyi müəyyən edilib

Bakı. 11 oktyabr. REPORT.AZ/ Meksikanın Kadereyta şəhər həbsxanasında baş vermiş qiyam nəticəsində ölənlərin sayı 16-a çatıb.

"Report" RİA "Novosti"-yə istinadən xəbər verir ki, bu barədə Nuevo-Leon ştatının baş prokuroru Bernardo Qonsales bildirib.

Qiyama səbəb həbsxanadakı cinayət qruplaşmalarının üzvləri arasında baş vermiş münaqişə olub. Qruplaşma üzvləri həmçinin həbsxana rəhbərliyinin dəyişdirilməsini də tələb ediblər. 

Onların qənaətincə, müəssisə rəhbərliyi “Los-Setas” narkokartel ilə əlaqədə olub.

Hələlik ölənlərin 13-nün kimliyi müəyyən edilib. İğtişaşların daha 3 qurbanı barədə müvafiq işlər aparılır.

Qeyd edək ki, daha əvvəl qiyam zamanı 13 nəfərin öldüyü bildirilirdi. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi