Lüksemburqla Belçika sərhədində yerləşən iki kəndin üzərindən keçən qasırğada 6 nəfər xəsarət alıb.
"Report" xəbər verir ki, bu barədə RİA Novosti yerli mediaya istinadən məlumat yayıb.
Bildirilir ki, cümə axşamından başlayan güclü külək ağacları aşırıb, bir neçə binanın damlarını uçurub.
Yerli sakinlərin sözlərinə görə, qasırğa bir neçə yaşayış binasında dağıntılar əmələ gətirib, evlərin yaxınlığında park edilən avtomobillərə ziyan dəyib.