Los-Ancelesdə naməlum şəxs Çin konsulluğunun binasına atəş açıb

Bakı. 2 avqust. REPORT.AZ/ Naməlum şəxs Çin Xalq Respublikasının Los-Ancelesdəki (Kaliforniya ştatı) konsulluğunun binasına atəş açıb.

"Report" TASS-a istinadən xəbər verir ki, bu barədə "Los Angeles Daily News" qəzeti məlumat yayıb.

Qəzetin məlumatına görə, hücum edən şəxs təxminən 60 yaşında olub. O, konsulluğun binasına avtomobilindən atəş açıb və bundan sonra özünü güllələyib.

İnsident zamanı konsulluğun əməkdaşları və ya ətrafdakı şəxslər arasında xəsarət alan olmayıb.