Londonda metro işçiləri tətilə başlayır

Bakı. 6 avqust. REPORT.AZ/ İngiltərənin paytaxtı Londonda bu gün səhərdən etibarən metro işçiləri tətilə başlayır.

"Report" BBC-yə istinadən xəbər verir ki, əmək haqlarına baxılmasını tələb edən nəqliyyat işçiləri 24 saat boyunca iş yerlərinə çıxmayacaq.

Şəhər əhalisinin əksəriyyətinin metrodan istifadə etdiyi Londonda sərnişinlərin çıxılmaz vəziyyətdə qalmamaları üçün onlara alternativ nəqliyyatdan istifadə etmələri məsləhət görülüb.