Londonda İslam Mərkəzinin qarşısında naməlum şəxs maşını kütlənin üzərinə sürüb

Bakı. 19 sentyabr. REPORT.AZ/ Londonun qərbindəki Oksgeyt Leyn səmtində yerləşən İslam Mərkəzinin yaxınlığında ötən gecə  naməlum sürücü avtomobilini piyadaların üzərinə sürüb. 

“Report”un “The Sun” qəzetinə istinadən verdiyi xəbərə görə, hadisə nəticəsində 2 nəfər xəsarət alaraq xəstəxanaya yerləşdirilib. Onların vəziyyətinin qənaətbəxş olduğu bildirilir. 

Hadisə yerindən avtomobillə uzaqlaşan sürücü polis tərəfindən axtarılır. 

Şahidlərin sözlərinə görə, avtomobildəki şəxslər hadisə vaxtı islam əleyhinə şüarlar səsləndiriblər.