Bakı. 18 noyabr. REPORT.AZ/ Londonun şimal hissəsində atışma zamanı azı 3 nəfər yaralanıb.
“Report” RİA "Novosti"yə istinadən xəbər verir ki, bu barədə polisə istinadən "Daily Mail" nəşri yazıb.
Bildirilir ki, hadisə yerli vaxtla 18:00-da Enfilddə, insanlar dəmiryolu stansiyası yaxınlığında Milad öncəsi bazarlıq edən zaman baş verib.
Hadisə nəticəsində 3 nəfər xəstəxanaya yerləşdirilib. Bildirilir ki, onlardan ikisi odlu silah yarası alıb.
Ərazi mühasirəyə alınıb. Hazırda saxlanılanlar barədə məlumat yoxdur.
Bundan əvvəl Londonda marşrut avtobus idarəetmədən çıxaraq dayanacağa girib.