Yuxarı

Litva Rusiyaya qarşı sanksiya tətbiq edib

Litva Rusiyaya qarşı sanksiya tətbiq edib

Bakı. 7 dekabr. REPORT.AZ/ Kerç boğazındakı məlum hadisə ilə bağlı Litva Rusiyaya qarşı sanksiya tətbiq edib.

“Report” Rt-ə istinadən xəbər verir ki, bu barədə Prezident Dalia Qribauskaite ukraynalı həmkarı Petro Poroşenko ilə görüşü zamanı bildirib.

“Kerç boğazında Ukrayna dənizçilərinə hücuma görə məsuliyyət daşıyanlara qarşı milli sanksiyalarımızı tətbiq etmişik”, - deyən dövlət başçısı həmin şəxslərin Litvada iqtisadi və başqa fəaliyyət göstərə bilməyəcəklərini diqqətə çatdırıb.

Litva Prezidenti həmçinin Avropa İttifaqı Şurasında gələn həftə Rusiyaya qarşı məhdudlaşdırıcı tədbirlərin müzakirə olunacağını bildirib.

Xatırladaq ki, noyabrın 25-də Azov dənizinin Kerç boğazında Ukraynanın üç gəmisi Rusiya hərbi gəmiləri tərəfindən atəşə tutulub, sonra da saxlanılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi