Bakı. 2 sentyabr. REPORT.AZ/ Meksikada 4 nəfər "Lidiya" tropik qasırğasının qurbanı olub.
"Report" xəbər verir ki, bu barədə "Associated Press" məlumat yayıb.
"Lidiya" qasırğası cümə günü Aşağı Cənubi Kaliforniya ştatında baş qaldırıb. Məlumata görə, küləyin güclənməsi leysan yağışları ilə müşayiət olunur. Hazırda ştatın ərazisində 1,4 mindən artıq insan təxliyyə edilib.