Korsikada partlayış bank binasını dağıdıb

Bakı. 17 aprel. REPORT.AZ/ Fransanın Korsika adasındakı Korte şəhərində ötən gecə baş vermiş partlayış "Société Générale" bankının ofisinin binasını dağıdıb.

"Report" RİA "Novosti"yə istinadən xəbər verir ki, partlayıcı qurğunun işə düşməsi ilə ofisin binasına ciddi ziyan dəyib. Partlayış dalğası həmçinin yaxınlıqdakı mağazanın şüşələrini çilik-çilik edib.

Hadisə yerində partlayıcı üzrə mütəxəssislər və polis çalışır.

Hələlik baş verən partlayışa görə heç kim məsuliyyəti üzərinə götürməyib.