Dmitri Peskov koronavirusdan sağalıb

COVID-19-la bağlı xəstəxanaya yerləşdirilən Rusiya prezidentinin mətbuat katibi Dmitri Peskov evə buraxılıb.

"Report" TASS-a istinadən xəbər verir ki, bu barədə o özü məlumat yayıb.

"Xəstəxanadan çıxmışam və hələ ki, karantindəyəm", - D.Peskov deyib.

Rusiya prezidentinin mətbuat katibi fəaliyyətini evdən davam etdirəcəyini bildirib.

Qeyd edək ki, D.Peskov mayın 12-də koronavirusa yoluxduğunu açıqlamışdı.