Kolumbiyanın sabiq prezidenti vəfat edib

Bakı. 8 dekabr. REPORT.AZ/ Kolumbiyanın sabiq prezidenti Belisario Betankur cümə günü paytaxt Boqota şəhərində vəfat edib.

“Report” RİA "Novosti"yə istinadən xəbər verir ki, bu barədə "Santa Fe de Bogota" fondunun tibb bölməsi məlumat yayıb.

"Fondun tibb idarəsi Kolumbiya Respublikasının sabiq prezidenti Belisario Betankurun dekabrın 7-də öldüyünü bildirir", - deyə kommünikedə qeyd olunur.

Betankur prezident postunu 1982-1986-cı illərdə tutub.

Bundan əvvəl ABŞ-ın 41-ci prezidenti Böyük Corc Buş vəfat edib.