Bakı. 30 sentyabr. REPORT.AZ/ Kolumbiya prezidenti Xuan Manuel Santos Milli Azadlıq Ordusunun (MAO) üsyançıları ilə atəşkəs haqqında fərman imzalayıb.
"Report" xəbər verir ki, bu barədə o, "Twitter"də yazıb.
"Mən oktyabrın 1-dən MAO qruplaşması ilə atəşkəs rejiminin tətbiqinə dair fərman imzaladım. Bu, MAO-nun bütün tarixi ərzində imzaladığı atəşkəs haqqında ilk qarşılıqlı sənəddir", — deyə Santos qeyd edib.
Sentyabrın 4-də Kolumbiya hökuməti və MAO üsyançıları atəşkəs barədə razılığa gəlib.