Koalisiya qüvvələrinin Suriyaya zərbəsi nəticəsində onlarla silahlı və səhra komandiri öldürülüb

ABŞ-ın rəhbərlik etdiyi Qərb koalisiyasının aviasiyası Suriyanın İdlib vilayəti ətrafında "Horas əd-Din" ekstremist qruplaşmasının qərargahına raket zərbəsi endirib.

"Report" xəbər verir ki, bu barədə "Əl-Məyadin" telekanalı məlumat yayıb.

Məlumata görə, hücum nəticəsində 40-dan çox silahlı və səhra komandiri məhv edilib.

Bəzi məlumatlara görə, zərbə vaxtı qərargahda "Cəbhət ən-Nüsrə" terror qruplaşmasının başçısı Məhəmməd əl-Culani də olub. O, həmin vaxt müttəfiqləri ilə müşavirədə iştirak edimiş.