Bakı. 8 sentyabr. REPORT.AZ/ Kiyevdə avtomobilin partlaması nəticəsində bir nəfər ölüb.
"Report"un verdiyi xəbərə görə, bu barədə Ukraynanın Fövqəladə Hallar üzrə Dövlət Xidmətinin Mətbuat xidməti məlumat yayıb.
*** 19:48
Ukraynanın paytaxtı Kiyevin mərkəzindəki Bessarabskaya meydanının yaxınlığında avtomobil partlayıb.
"Report"un "RİA Novosti"yə istinadən verdiyi xəbərə görə, partlayış nəticəsində zərərçəkənlər var.
Məlumata görə, partlayış nəticəsində avtomobil tamamilə dağılıb. Maşının salonunda olan qadın yaralı vəziyyətdə xəstəxanaya aparılıb.