Kim Çen In ABŞ prezidentinə məktub yazıb

Bakı. 17 yanvar. REPORT.AZ/ Şimali Koreya Əmək Partiyası Mərkəzi Komitəsinin sədr müavini Kim Yon Çxol KXDR lideri Kim Çen Inın məktubunu Amerika prezidenti Donald Tarmpa çatdıracaq.

“Report” xəbər verir ki, bu barədə mənbəyə istinadən CNN-nin müxbiri Uill Ripli məlumat yayıb.

"ABŞ və Şimali Koreya arasında gedən nüvəsizləşdirmə üzrə danışıqlarla tanış olan mənbə mənə bildirib ki, Pxenyanın əsas elçisi və kəşfiyyatın keçmiş rəhbəri Kim Yon Çxol cümə axşamı Vaşinqtona gələndə prezident Donald Trampa Şimali Koreya lideri Kim Çen Inın məktubunu gətirəcək", - deyə jurnalist "Twitter"də yazıb.