Bakı. 22 iyun. REPORT.AZ/ ABŞ-ın dövlət başçısı Donald Tramp və Rusiya prezidenti Vladimir Putin NATO-nun iyulun 11-12-də Brüsseldə keçiriləcək sammitində görüşə bilər.
"Report" xəbər verir ki, bu barədə ABŞ mətbuatı məlumat yayıb.
Məlumata görə, ABŞ administrasiyası danışıqların Vaşinqtonda keçirilməsini təklif edib. Lakin Rusiya görüşün neytral zonada keçirilməsinə təkid edib.
Ehtimal edilən görüşlə bağlı rəsmi rəy hələ yoxdur. Bundan əvvəl NATO-nun baş katibi Yens Stoltenberq Londondakı çıxışında ABŞ və Rusiya liderlərinin görüşünün zəruriliyindən danışıb.