Yuxarı

KİV: Makron Rusiya və ABŞ prezidentlərinin Parisdəki görüşünü pozub

KİV: Makron Rusiya və ABŞ prezidentlərinin Parisdəki görüşünü pozub
© Reuters

Bakı. 6 noyabr. REPORT.AZ/ Rusiya və ABŞ prezidentləri Vladimir Putin ilə Donald Tramp arasında Fransa paytaxtında keçirilməli olan tamformatlı görüş baş tutmayacaq.

"Report" xəbər verir ki, bu barədə "Kommersant" qəzeti mənbələrinə istinadən məlumat verib.

Mənbənin məlumatına görə, Yelisey sarayı tərəfindən təşkil olunacaq və Birinci Dünya müharibəsinin başa çatmasının 100 illiyinə həsr olunacaq tədbirlərin Rusiya-ABŞ sammitinin kölgəsində qalmasını istəməyən Fransa Prezidenti Emmanuel Makron danışıqların aparılmasına qarşı çıxıb.

Qeyd edək ki, Rusiya və ABŞ prezidentləri noyabrın 11-də Parisə gedəcəklər.

Dünən D.Tramp yüksək səviyyəli görüşün olmayacağını bildirib. Onun sözlərinə görə, V.Putin ilə görüş Argentinada keçiriləcək G20 sammiti çərçivəsində baş tuta bilər.

Daha əvvəl Rusiya Prezidentinin mətbuat katibi Dmitri Peskov gərgin qrafikə görə Parisdə ətraflı görüşün olmayacağını, amma ayaqüstü görüşün mütləq keçiriləcəyini vurğulayıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi