Bakı. 21 may. REPORT.AZ/ Belarus və Ermənistan Aİ nümayəndələri tərəfindən hazırlanan Riqadakı "Şərq Tərəfdaşlığı" sammitinin bəyannamə mətnini imzalamaqdan imtina edib. Mətndə Krımın Rusiya tərəfindən ilhaq olunmasına dair bəndlər var.
"Report" "Reuters"ə istinadən xəbər verir ki, Aİ diplomatları mətnin kompromis variantını hazırlamağa məcburdur.
"Danışıqlar çətin keçib", - Brüsseldə Aİ nümayəndəsi sammitin bəyannaməsi layihəsini nəzərdən keçirdikdən sonra bildirib.
O qeyd edib ki, sammitin uğuru onun Moskvada necə qəbul olunacağından asılıdır.
Riqadakı sammitdə Aİ, Ukrayna, Gürcüstan, Moldova, Azərbaycan, Ermənistan və Belarus XİN rəhbərləri görüşəcək.
Sammitin kommünikesi mayın 22-də dərc olunacaq.