Kataloniyanın müstəqillik haqda qətnaməsinə İspaniyanın Konstitusiya Məhkəməsində baxılacaq

Bakı. 11 noyabr. REPORT.AZ/ İspaniya hökuməti ölkənin Kataloniya əyalətinin müstəqillik haqda qəbul etdiyi qətnamə ilə bağlı Konstitusiya Məhkəməsinə şikayət edib.

"Report" "Reuters"ə istinadən xəbər verir ki, İspaniyanın baş naziri Mariano Raxoy rəhbərliyi ilə öncədən razılaşdırılmış sənəd Konstitusiya Məhkəməsinə təqdim edilib.

Qeyd edək ki, Konstitusiya Məhkəməsi qərar qəbul etməyənədək əyalətin qətnaməsi qüvvəyə minə bilməz.