Yuxarı

Kataloniya rəhbəri Karles Puçdemon Belçikaya qaçıb

Belçika hökumətinin təmsilçisi Kataloniya muxtariyyəti liderlərinin sığınma haqqında müraciətlərinin təmin ediləcəyini bildirib
© REUTERS/ Ruben Moreno Garcia

Bakı. 30 oktyabr. REPORT.AZ/ İspaniya hökumətinin vəzifədən uzaqlaşdırdığı Kataloniya Muxtar Əyalətinin keçmiş başçısı Karles Puçdemon ölkədən qaçıb. 

"Report" xarici KİV-lərə istinadən xəbər verir ki, o, Belçikaya sığınıb.

K.Puçdemonla yanaşı Kataloniyada "referendum" keçirilməsində və müstəqilliyinin elan olunmasında fəal iştirak edən muxtariyyət rəsmiləri də İspaniyadan qaçıb və hazırda Brüssel şəhərindədirlər.   

Belçika hökumətinin təmsilçisi Kataloniya muxtariyyəti liderlərinin sığınma haqqında müraciətlərinin təmin ediləcəyini bildirib.

İspaniyanın baş prokuroru Joze Manuel Maza bildirib ki, Kataloniya liderlərinin krallıqdan ayrılması istiqamətində fəaliyyətilərinə görə Cinayət Məcəlləsinin qiyama təhrik etmə maddəsi ilə cinayət işi açılıb. Bas prokuror bildirib ki, onlar ictimaiyyətin inamından sui-istifadə də ittiham olunurlar. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi