Bakı 9 fevral. REPORT.AZ/ İtaliyanın ən böyük həmkarlar ittifaqları ölkənin paytaxtında böyük nümayiş təşkil edib.
"Report" TASS-a istinadən xəbər verir ki, İtaliyanın müxtəlif bölgələrindən minlərlə iştirakçı respublikanın mərkəzi meydanında toplaşır.
Aksiya "Gələcək əmək üçün" adlanır və əhalinin məşğulluq problemi, pensiya və maliyyə sistemindəki çətinliklər və zəif iqtisadi artıma diqqəti yönəltmək məqsədi daşıyır. Həmkarlar ittifaqları hökuməti mövcud iqtisadi kursu dəyişdirməyə çağırır.