İtaliyada qasırğa nəticəsində ölən və yaralananlar var

Bakı. 30 oktyabr. REPORT.AZ/ Son üç gün ərzində İtaliyada qasırğa nəticəsində 9 nəfər ölüb, 4 nəfər xəsarət alıb, 1 nəfər itkin düşüb.

“Report” “Reuters”ə istinadən xəbər verir ki, ölkənin daxili işlər naziri Matteo Salvini son dərəcə əlverişsiz hava şəraiti səbəbindən insan tələfatının olduğunu söyləyib.

Eyni zamanda ötən gecə ölkənin şimal-şərqindəki kurort şəhəri Rappaloda güclü fırtına qoruyucu divarları aşırıb, limana böyük maddi zərər dəyib.