Yuxarı

İtaliyada partlamamış mərmi tapılıb, on minlərlə insan təxliyyə edilib

Bakı. 14 mart. REPORT.AZ/ İtaliyanın şərqində İkinci Dünya Müharibəsi dövründən qalmış mərminin tapılması ilə əlaqədar 20 mindən çox insan təxliyyə edilib.

"Report" TASS-a istinadən xəbər verir ki, mərmi Adriatik sahilindəki Fano şəhərində, tikinti işləri zamanı aşkarlanıb.

Hakimiyyət orqanları yaşayış evlərinin sakinlərini, ictimai binalarda olan insanları, həmçinin yerli xəstəxananı təxliyyə ediblər.

Tapıntı ilə əlaqədar dəmiryolunda hərəkət dayandırılıb, vağzal bağlanılıb. Hadisə yerindən təxminən 1,8 km məsafə təhlükəli ərazi sayılır.

Hazırda mərminin zərərsizləşdirilməsi əməliyyatı keçirilir. Onu açıq dənizdə partlatmağı planlaşdırırlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi