İtaliyada gecə klubunda basırıq zamanı 6 nəfər ölüb

Bakı. 8 dekabr. REPORT.AZ/ Şənbə günü İtaliyanın Ankona əyalətindəki gecə klublarından birində baş vermiş təşviş və basırıq nəticəsində azı 6 nəfər ölüb, 120-si yaralanıb.

“Report” TASS-a istinadən xəbər verir ki, bu barədə "Corriere della Sera" qəzeti yazıb.

İlkin məlumata görə, təşviş müəssisədə gözyaşardıcı qaz fısqırdılması nəticəsində başlayıb.