İsveçdə qırıcı təyyarə qəzaya uğrayıb

Bakı. 21 avqust. REPORT.AZ/ Bu gün səhər saatlarında İsveçin "Jas 39 Gripen" qırıcı təyyarəsi qəzaya uğrayıb.

"Report" "RİA Novosti"yə istinadən xəbər verir ki, ölkənin cənubunda baş verən hadisə zamanı pilot xəsarət almayıb.

İsveç Silahlı Qüvvələrindən bildiriblər ki, "Jas 39 Gripen" Blekinge vilayətində F17 uçuş donanması yaxınlığında quşla toqquşub. Toqquşmadan sonra pilot vaxtında təyyarəni tərk edə bilib, təyyarə isə meşə zonasına düşüb.