Yuxarı
    Bağlamaq

    İsrail təhlükəsizlik qüvvələri ilə qarşıdurmalarda 2 fələstinli ölüb, 263-ü xəsarət alıb - YENİLƏNİB-2

    © AFP 2017 / Thomas Coex

    Bakı. 15 dekabr. REPORT.AZ/ İordan çayının qərb sahilində və Qəzza zolağında İsrailin təhlükəsizlik qüvvələri ilə qarşıdurmalarda 2 fələstinli ölüb, 263-ü xəsarət alıb.

    "Report" "RİA Novosti"yə istinadən xəbər verir ki, bu barədə Fələstin Səhiyyə Nazirliyinin nümayəndəsi məlumat verib. 

    "Ümumilikdə, 13 nəfər döyüş, 47 nəfər rezin güllələrdən xəsarət alıb, 177 nəfər isə gözyaşardıcı qazdan zəhərlənib", - Fələstin Qızıl Ay Cəmiyyətinin mətbuat katibi Erab əl-Fukah bildirib. 


    *** 17:29

    İordan çayının qərb sahilində və Şərqi Qüdsdə İsrailin təhlükəsizlik qüvvələri ilə qarşıdurmalarda 23 fələstinli xəsarət alıb.

    "Report" "Haaretz" qəzetinə istinadən xəbər verir ki, bu barədə Fələstin dövlətinin rəhbərliyi məlumat verib.

    Məlumata görə, fələstinlilərdən birinin vəziyyəti ağırdır.


    *** 16:12

    İsrail polisi Fələstin əhalisinin ənənəvi etiraz məkanı hesab edilən Dəməşq qapılarından Qüdsə gedən yolu bağlayıb, amma etirazçılar maneələri dəf edə bilib və tərəflər arasında qarşıdurma başlayıb.

    "Report" "RİA Novosti"yə istinadən xəbər verir ki, polis nümayişçiləri meydandan çıxarır və ən aktiv etirazçıları saxlayır. Həkim briqadaları bir neçə yaralını xəstəxanaya aparıb.

    Bunun ardından polis şəhərin şərq məhəllələrində yaşayan və namaz qılmaq üçün "Əl-Əqsa" məscidinə getmək üçün sakinlərin istifadə etdikləri Dəməşq qapılarını bağlayıb.

    Etirazçılar polis maneələrini buradan da aşdıqdan sonra qarşıdurma yerinə atlı polis bölmələrinin əməkdaşları gəlib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi