Bakı. 13 yanvar. REPORT.AZ/ İsrail İranın Suriyada hərbi cəhətdən möhkəmlənməsinin qarşısını almaq üçün Tehranın qonşu ərəb ölkəsindəki obyektlərinə hücumları artırmağa hazırdır.
“Report” TASS-a istinadən xəbər verir ki, bunu bazar günü yəhudi dövlətinin baş naziri Binyamin Netanyahu deyib.
"İsrail [şənbə gününə keçən gecə] Dəməşq beynəlxalq aeroportunda İranın silah anbarına zərbə endirib, bu, bizim İranın Suriyada hərbi cəhətdən möhkəmlənməsinin qarşısını almaqda qərarlı olduğumuzu əks etdirir. Lazım gələrsə, biz bu cür hücumları intensivləşdirməyə hazırıq", - deyə dəftərxananın baş nazirə istinadən yaydığı bəyanatda bildirilir.
Daha əvvəl İsrail Qəzzada HƏMAS-ın mövqelərinə hava zərbəsi endirib.