İsrail daxili işlər naziri qalmaqal səbəbindən istefa verib

Bakı. 21 dekabr. REPORT.AZ/ İsrail daxili işlər naziri Silvan Şalom tutduğu postdan istefa verib.

"Report" "Euronews"a istinadən xəbər verir ki, istefanın səbəbi cinsi təcavüz ittihamları ilə bağlıdır.

Ölkə prokurorluğu bir neçə qadının ərizə ilə müraciətindən sonra işlə bağlı istintaqa başlayıb. Şalom ittihamları rədd edir, amma yenə də nazir postunu tərk etməyə qərar verib. Siyasətçi, həmçinin qalmaqalın onun ailəsinə mənfi təsir etdiyini də etiraf edib.