Yuxarı

İspaniyada iki nəfər meşə yanğınlarının qurbanı olub - VİDEO - YENİLƏNİB

İspaniyada iki nəfər meşə yanğınlarının qurbanı olub - VİDEO - YENİLƏNİB
Onlar mini-furqonun içərisində yanaraq ölüblər

Bakı. 16 oktyabr. REPORT.AZ/ İspaniyanın Qalisiya muxtar regionunda baş verən meşə yanğınları nəticəsində 2 nəfər həyatını itirib.

“Report” xəbər verir ki, bu barədə Pontevedra əyalətinin Niqran bələdiyyəsinin meriyasına istinadən yerli KİV məlumat yayıb.

İdarənin məlumatına görə, onlar alovun düz mərkəzində qalan mini-furqonun içində yanaraq ölüblər.

Hazırda regionda bir sıra evlər və Viqoda bir tələbə yataqxanası təxliyyə edilib. Küləyin sürətinin saatda 35-39 kilometrə çatacağı gözlənilir.


***01:58

Bakı. 16 oktyabr. REPORT.AZ/ İspaniyanın şimal-qərbində yerləşən Qalisiya muxtar regionunda meşə yanğınları baş qaldırıb.

“Report” xəbər verir ki, bu barədə "BLN News" nəşri öz "Twitter" mikrobloqunda məlumat yayıb.

Bildirilir ki, əsən güclü külək vəziyyəti xeyli çətinləşdirir.

İnsidentin təfərrüatları müəyyənləşdirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi