​İspaniya polisi yeniyetmələri İŞİD-ə cəlb edən qadını tutub

Bakı. 7 iyul. REPORT.AZ/ İyulun 7-də İspaniya polisi Kanar adalarından birində, Lansarotedə İraq və Suriya ərazisindəki silahlı münaqişələrə uşaq və yeniyetmələri cəlb edən qadını saxlayıb.

"Report" TASS-a istinadən xəbər verir ki, bu haqda İspaniya Daxili İşlər Nazriliyi məlumat yayıb.

Xəbərə görə, həmin qadın İspaniya vətəndaşıdır və İŞİD-lə birbaşa əlaqə saxlayırmış.

Bu il İspaniyada 30-dan çox potensial terrorçu tutulub.