Yuxarı

"İrma" qasırğası gücünə görə maksimal kateqoriyaya aid edilib

"İrma" qasırğası gücünə görə maksimal kateqoriyaya aid edilib
Qasırğada küləyin maksimal sabit sürəti 280 km/saatdan artıqdır
© AP

Bakı. 5 sentyabr. REPORT.AZ/ Atlantik okeanında başlayan "İrma" qasırğası gücünə görə maksimal - 5-ci kateqoriyaya aid edilib.

"Report" xəbər verir ki, bu barədə ABŞ-ın Milli Qasırğa Mərkəzindən bildiriblər.

Qasırğada küləyin maksimal sabit sürəti 280 km/saatdan artıqdır.

Atlantik okeanının mərkəzində, Kabo Verednin qərbində yaranan qasırğa hazırda Karib hövzəsində yerləşən adalara tərəf hərəkət edir.

Milli Qasırğa Mərkəzi tərəfindən qasırğa xəbərdarlığı Antiqua və Barbuda, Sent Kits və Nevis, Britaniyaya məxsus Angilya və Montserrat adaları, Hollandiyaya məxsus Saba və Sint Estatius adaları, Fransa və Hollandiya arasında bölünmuş Sen Marten adası və Fransanın dənizdə yerləşən Sen Bartelem ərazisi üçün verilib.

Eyni zamanda ABŞ-a məxsus Puerto Riko adasında və əhalisi çox olan Florida ştatında fövqəladə vəziyyət elan edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi