İraqda terror aktı zamanı 10 iranlı zəvvar ölüb

Bakı. 6 noyabr. REPORT.AZ/ İraqın Samirə şəhərində törədilmiş terror aktı nəticəsində 10 iranlı zəvvar həyatını itirib.

"Report" ISNA-ya istinadən xəbər verir ki, şiə zəvvarlar Samirə şəhərindəki Əl-Əsqəri məscidini ziyarət etməyə gəliblərmiş.

Zəvvarlar turist avtobusuna əyləşən zaman terrorçu nəqliyyat vasitəsinə yaxınlaşıb və partlayıcı qurğunu işə salıb.