Yuxarı

İraqda terror aktı törədilib: 15 ölü, 23 yaralı

İraqda terror aktı törədilib: 15 ölü, 23 yaralı
Hadisəyə görə məsuliyyəti heç bir qruplaşma üzərinə götürməyib

Bakı. 18 sentyabr. REPORT.AZ/ İraqda törədilmiş terror aktında 15 nəfər öldürülüb, daha 23 nəfər xəsarət alıb.

"Report" "Anadolu" agentliyinə istinadən xəbər verir ki, bu barədə hərbi mənbə məlumat yayıb.

Xəbərdə bildirilir ki, hadisə ölkənin ikinci böyük şəhəri Mosul yaxınlığında, Məcarin kəndində baş verib. Terrorçuların "Haşdi Əşair" qruplaşmasının təlim mərkəzinə qoyduqları partlayıcı qurğu işə düşüb. Ölənlərin 12-nin qruplaşmanın döyüşçüləri, digərlərinin isə mülki şəxslər olduğu bildirilir.

Hadisəyə görə məsuliyyəti heç bir qruplaşma üzərinə götürməyib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi